الثلاثاء، 22 نوفمبر، 2011

ون الليل

ون الليل
بعدهي صورتك فوك الحياطين
بعدهي تشع أمل وتنور البيت
ولاجنك غبت عن عيني سنين
ييمه آنه بحسترك والله ظليت
ردّت كلها ربعك ياضوه العين
وعيني أعله الدرب جاليش ماجيت؟!
ييمه إذكر إرباي وتعب السنين
وسهرت شكثر يمه وإلك لوليت
أنه ردتك تزيل هموم الأيام
وإنت هموم فوك همومي خليت
ليش بسرعة يمه تريد الفراك
ومثل فرت حمامة ومني فريت
خذاك الموت يمه وبعدك زغير
آنه أمك تعال وكلي رديت
يبوطول الحلو ياشمعة الدار
يفراشة محنة إووين حطيت
ربيتك بديّ ودموعي إشهود
وخذاك الموت ماجني آنه ربيت
شماتبعد علي بعيوني موجود
وبعدني أشتاق إلك وشكثر حنيت 

ليست هناك تعليقات:

إرسال تعليق