السبت، 13 أكتوبر 2012

صونيا عامر وقصص أخرى








صدر عن دار الرحاب الحديثة ببيروت المجوعة القصصية الاولى بعنوان (( صونيا عامر وقصص أخرى )) للاديبة اللبنانية صونية عامر  وهو المنجز الثاني لها بعد المجموعة الشعرية الاولى التي اصدرتها قبل عام بعنوان (( تيه ))
صونيا عامر من مواليد جنوب لبنان 5/3/1971 والحائزة على شهادة الماجستير من جامعة ويلز في بريطانيا ، تؤمن بالتغيير والتطوير وتهتم بكل عمل فني وقد عملت على فتح محترف فني خاص بها يهتم بتصميم وتصنيع حقائب الجلد الطبيعي والاكسسوارات  بالاضافة الى الملابس النسائية تحت ماركة مسجلة باسمها في بلدها لبنان.














الخميس، 4 أكتوبر 2012

ياحسنة الحكومة تكَـدر تشيله

ياحسنة الحكومة تكَـدر تشيله
 
لدى عودتي قبل يومين من مدينة اربيل وعند الطريق الرئيسي الرابط بين اقليم كردستان من جهة والعاصمة العراقية بغداد من جهة اخرى وبالضبط في منطقة (( حمرين ))  التابعة لمدينة كركوك المتنازع عليها من قبل امة لااله الا الله ، حيث انحرفت بنا السيارة عن جادة الطريق بسبب وجود عمود للكهرباء في منتصف الشارع مما ادى بنا للاكثار من الصلوات على محمد وآله كما تفعل بنا الكهرباء كل يوم لدى عودتها بعد الانقطاعات المستمرة
سئلت السائق بعدما رمى بعقب سجارته التي اشعلها بسبب العمود الذي طرء على الشارع وقلت له :- في اي مكان نحن الان ؟
اجابني :- نحن الان في منطقة حمرين التابعة لكركوك .
وقبل ان ينتهي من اكمال الجملة سئله راكب اخر :- وحمرين هذه كردية ، تركمانية ، عربية ؟
تنهد وضرب بقوة على مقود السيارة:- حمرين هذه تابعة لحسنة ملص .
ضحكنا بقوة وصوت عالٍ اعقبه سؤال اخر من احد الركاب :- وحسنة ملص هذه من اي قومية ؟
التفت السائق صارخاً :- (( كافي لااقـلب السيارة ))
اخذ الصمت يخيم علينا والخوف يطفو على وجوهنا ونحن نطلب منه (( صلي على محمد والِ محمد سائقنا الوردة ))
سؤال يطرح نفسه متى ستحل قضية كركوك وحكومتنا الرشيدة لن تستطيع رفع مثل هكذا عبئ بسيط عن كاهل المواطن
رحم الله شاعرنا الشهيد رحيم المالكي (( ياحسنة الحكومة تكَـدر تشيلة )) حيث كان يقصد (( كاك النفط )) وانا اقصد الان هذا العمود الذي في طرفهِ حورُ ، اتمنى من الحكومة ان (( تشيله )) وخصوصاً البعض من رجالاتها يمتلكون خلفيات سياسة وثقافية واقتصادية كبيرة تؤهلهم للقيام بذلك .

الأربعاء، 3 أكتوبر 2012

عدستي ((1))

 
((الله))عند بوابة القلعة في اربيل
مقبرة المواعيد
بروتريه ( قلب امراة ))
سوق المسابح اربيل
حمامة وعطش
سيجارة
شاهين
وردة
شمس خلف اسيجة الغربة
غربة حمامة
البصرة شط العرب
القلعة اربيل
طلقة في جدار صامت
اربيل طريق المصايف
حمامتان
بائع المسابح اربيل
الطيف الشمسي
ديلاب الهوى
اربيل طريق كَلي
اغتيال البراءة
اليعسوب
الصخور تعاند التدفق
طفولة وعفوية
شموخ منارة
ليل ولعب وحب وحب
الغروب
حلم طويل
انوثة النيكون
لن يموت صوت لااله الا الله
الحياة بالمقلوب تكون اجمل
سوق القلعة في اربيل
الحياة بين جيلين
اطلال وحمائم
طريق المصايف
القمة
الفاملي اربيل
انتيكات
ابتسم رغم الالم
مخلفات الحروب والالغام المتشرة في بعض مدن البصرة

يامسية العافية عليكم يهلنا

ثقافة العنف لدى الاطفال

شيب وشباب دائم


حزن وسواد




مع اطيب تحية
سعدون التميمي
asdram56@yahoo.com                                                                                          

الثلاثاء، 28 أغسطس 2012

باب الستر


باب الستر

ندم كلي ندم من جدمي للراس
لان شلتك حلم وبروحي مريت

حضنتك سيف تذبحني واداريك
وتكص حبل الوصل وتكلي شديت

انه نهر الوفه بداخلي موجود
وانت من الغرورالبيك شحيت

سويتك بدي والوادم شهود
وتطك انت عليمن بيه طكيت

نطيتك ظهر جرحي وامنت بيك
وجبت ملح الغدر بجروحي خليت

وتعيرني كعدت بفيك سنين
ياشجرة غرور وبيك ثقيت

اذا ماتت الشجرة تصير تابوت
ولان ميت ضميرك هيجي سويت

تحط بشوك عالششجرة العصافير
بس فنها التحط اعله التوابيت

انه باب الستر يالكتلي زغير
وزغير الباب بس كل عفة البيت


الجمعة، 29 يونيو 2012

حوار مع الشاعر والرسام كاظم جابر السماوي
سعدون التميمي
حوار مع الشاعر والرسام كاظم جابر السماوي
حاوره / سعدون التميمي
يعد الشاعر الكبير كاظم جابر السماوي انموذجاً رائعاً للشاعر الشعبي العراقي ، فهو ارشيف كبير ومهم من المفردات الشعبية العراقية (( الحسجة )) والتي لن يفهمها ابناء هذا العصر والتي تعد (( فلكلوراً )) شعبياً مهماً ، وكذلك منجزه الشعري الكبير والزاخر بالقصائد المتنوعة .
وبالرغم من ابتعاده عن مجريات الشارع العراقي وتطورات الساحة الشعرية فيه بسبب اقامته خارج العراق لكننا نجده يماشي ويساير الاحداث ويجسدها من خلال مواضيعه الجميلة والرائعة .
كذلك لم يختصر ابداعه على الشعر فقط فهو رسام رائع وماهر جداً قد جسد الحياة بالوان جميلة وبروحية مميزة ، وكذلك له تجربة رائعة مع المسرح ككاتب ومخرج فقد انجز اكثر من ثلاثِ مسرحيات عرضت في امريكا .
حواري معه انقسم الى قسمين القسم الاول مع تجربتهِ الشعرية والقسم الثاني معه كفنان تشكيلي .
*منذ متى بدأت الكتابة كشاعر وماهو منجزك الشعري ؟
• كتبت القصيدة عام 1982 وانا طالب ولكن لم اصرح لاحد الا للقريب مني وعند زيارتي الاولى للعراق اظهروا لي دفتر (( ابو المية )) يحتوي على سبعون قصيدة لي تضاهي الاف من القصائد التي تنشر هذه الايام .
ولكني في العام 1991 ايام الانتفاضة الشعبانية المباركة كانت انطلاقتي الاولى حيث كتبت قصيدة بحق الامام الحسين ((ع)) وعندها قلت للشعراء انا شاعر الان .
* ماالمانع من اصدارك ديوان وخصوصا ان منجزك الشعري حافل وكبير ولديك جمهور واسع ؟
• صدر لي مجموعه عام 2006 تحت عنوان نهرين من نفس الجرح ولي مخطوطات اكثر من عشرة دواوين واولهن ديوان عن الامام الحسين ع تحت عنوان (شواطي الدم).
* عرف القارئ من هو كاظم جابر السماوي ؟
• كاظم جابر السماوي
• فنان تشكيلي عراقي وشاعر شعبي درست الفن والادب اكاديميا اعمل مدرس للفن التشكيلي
• اقيم في كاليفورنيا
• سماوي الاصل بدوي العشيرة .
* كيف وظفت العلاقة بين الشعر واختصاصك العملي ؟
• هذا سؤال جميل جدا ان الرسم هو رسم بالالوان والشعر بالكلمات فقد وضفت اللون بطرية الكلمة وماتعلمته من فن كان سلاحا لحراسة كلماتي لهذا جائت قصائدي لاتشبه الاخرين.
* بمن تاثرت من الشعراء الذين سبقوك ؟
• بالشاعر ابن مدينتي اولا هو الشاعر العملاق محسن الخياط
• والمرحوم عبد الامير الفتلاوي
* نحن في العام 2012 وانت تكتب الحسجة وكانك تعيش في الستينيات ؟
الحسجه هي اساس الشعر الشعبي العراقي وبما انه شعر شعبي اي لايعدو كونه محليا شعبيا فالحسجه اساس له ونحن ابناء الحسجه
* (( تهديد الى من ادعى انه شاعر )) كانت اخر قصائدك ، لماذا هذا التهديد ؟
• لم تكن هذه اخر قصائدي بل كانت هذه القصيدة في عام 2003 اما لماذا فقد تعرضت مرة للسرقة وهو الذي ابتدأ في هجائي فكتبت هذه ردا له وقد قرأها وبالعافية عليه .
* نلاحظك دائمة تكثر من الهجاء لماذا ؟
• صحيح اغلب قصائدي هجاء اعتقد ان 80% من الحالات يجب ان تهجى على الاقل في واقعنا وانا اجيد الهجاء بصورة اوضح واقرب للواقع .
* متى يكتب الشاعر كاظم السماوي ، وكيف تكون ولادة القصيدة ؟
• الحياة ممتلئة في المشاهد وكلما رايت مشهدا يثيرني اخرج قلمي وابتدا بالكتابة ولا اعرف متى اتوقف.
* هل برايك ان الغربة خدمت حالة الشعر عندك؟
• الغربة ليس بها مجال للكتابة على الاطلاق لكن انا جئت للغربة ومتسلح بارث مدينتي ربما تخدمني الغربه فقط في قصائد الغربة
* ماذا كتبت عن الغربة؟
• الكثير كتبت عن الغربه ابتداتها بحنين للسماوه وانتهيت في قصيدة الشعر والغربة
* هل اجواء الغربة صالحة لظهور شعراء في المنفى ؟
لا اعتقد هنا الحياة ليس بها فراغ اطلاقا اما كتاباتي لو لم يكن لي ارثا واسعا لم استطع اكتب جملة واحدة والكثير هنا نسوو كلمات كانوا يستخدمونها فيسئلوني تارة وتارة يخجلون واقول لهم انا ابن مدينتي لا انسى حتى كلمات عمرها اكثر من 300 او 400 سنه تقريبا
* حدّثنا عن بداياتك الأولى مع الرسم؟
• انا رساما منذ فترة المتوسطة وحاول والدي ان يرسلني الى تركيا فامتنعت والدتي وانتظرت ان اتخرج من الاعدادية والتحق في اكاديمية الفنون وهناك ابتدا مشواري الفني
* ماذا يمثل فن الرسم بالنسبة لك؟
• الاساس في حياتي ويعنيلي هويتي الاولى والاخيرة
* كم هو عدد لوحاتك الفنية المنجزة؟
• كثيرة هي لوحاتي واكثر من قصائدي
* هل اقمت معارض فنية ؟
• بالتاكيد اولها في العراق بعد تخرجي واخرها قبل سنة هنا في امريكا واقمت اكثر من 22 معرض فني بين دولة عربية واوربيه وامريكا
* وهل حصلت على جوائز وشهادات تقديرية ؟
• العديدد من الجوائز حصدتها وبجدارة
* لكل فنان حلم كبير يريد تحقيقه. ما هو حلمك أو مشروعك المستقبلي الذي تفكر به؟
• ان احمل لبلدي ماتعلمته هنا واخدم طلاب الاكاديمية به واغير نظام التعليم الفني في الاكاديميات الى نظام اوربي اوامريكي لان نحن لازلنا بالدراسة البدائية لتعليم الفن
* من أين تستوحي موضوعات لوحاتك؟
• من زحمة افكاري المتراكمة التي لا اعرف اين اجمعها فتبتدأ حبلى وتكون عسيرة الولادة ولكن بدون تشويه بل ولادة مشرقة ووجميلة .
* هل لكِ اهتمامات اخرى غير الشعر والرسم ؟
• انا مخرج مسرحي اخرجت هنا ثلاث مسرحيات
• وهن على التوالي
• القصاص
• اغتيال القران
• ذبح الزهور
• اضف هواية التصوير باحترافية عالية
* أمنية تحققت وأخرى لم ترَ النور؟
• هروبي من نظام جائر حكم علي بالاعدام وتحققت بالانتفاضة وخلاصي منها
• والثانية انتظر عودتي للعراق وانا ارى العراق افضل من الدول العربية ومنها الامارات فنحن احق ان نكون افضل الامم .
هكذا رايت القصيدة...........

سرح بيه الخيال بسچته ولاگيت
مذبوحه القصيده وجثه مرميه
راوتني بنحرهه اشبيهه من اسهام
وكل سهم اللگيته بطول راعيه
ضحكتلي وبچتلي ونزل دمعي نجوم
رد ليهه ويكحل اعيونهه بضيه
ضمتني الصدرهه تگلي وج الليل
وشيل تراب وجهي وحطتني گمريه
صوغ ابحچيك امحابس شذرهن نار
واسوارات واحجول اعله رجليه
ذهب من اربعه وعشرين مو عشرين
خل اكشخ على اليتكشخن اعليه
اظفرلي الگصايب برم طوگ الراس
وخصرني او يخصرك لو رحت بيه
وراويهم اجيت بياوجه للناس
من طحت وشلتني وچنت منسيه
راويهم السانك ياعثك بي راج
اذا زهدي التهزهه اتطيح برحيه
كل تمره بقصيده وكل طعم گنطار
واثخنهن تبرزل وشل ديريه
اعصرهن دبس ضمهه الشتاك الجاي
جمد شط الشعر والروح حمريه
امشي بخطوتك شگ المسافه اثنين
توصل للبعيد وتبعد اشويه
حط چفك بچف اليرگص بنص نار
وشاف الصوت جامد واشتعل بيه
الوصل عين الشمس بزها ونزل للگاع
جاب انجومه بيده بساعه ظهريه
شفتوني من اگوم اتوچه عالمكسور
والمايعرف اشعاره وقوافيه
شفتوني من اطيح الگاع اذبهه اوياي
والخيل اعله ظهري اتزاغل اعليه
اگومن والرمح مگبل يطب بحشاي
وامشي بلا گلب والجثه مرميه
عفت الدم يدخن والجروح تشوف
والدنيا بثگلهه اعليه مرچيه
لظمتني بغزلهه ابمخيط الفنان
وبريسم صرت بثياب ورديه
كفيت الذيال اتلث اصابع فوگ
وطولت الردن واتعثرت بيه
خوصرت القصيده وزيرتها ازيار
واجت گدي اعله طولي وگصرت اشويه
حاچتلي الخيال اشماغ اليه وثوب
وخلتلي الصور بچتافي مزويه
راوتني العطش چف او وگع للماي
لو حلگ الفرات ايريدله اميه
لو جمره بجفن عاشگ كفر بالشوگ
لوزفة عروس بلايه ترچيه
لو ضحچه بعراضه وميت المهوال
وتشربه التفگ والرايه شرجيه
انا اللميت روحي وصرت طيف الوان.
وبلوحة خيالي اصبحت خلفيه
گلبت الفوگ جوه وجوه صار الفوگ
وشيطان الشعر سريالي تاليه
سلفادور من شاف الحرب ضرعين
شايلهه السمه بالوان رمزيه
ولون امدخن وريشة رسم برماد
واعظب شايل الدنيه بچلاويه
وسفينه بلابحر ويجرهه خيط ابليس
وهياكل خاويه اتشد بصواريه
صاحوا مو بشر مجنون لو قديس
وابداع الشعر مجنون راعيه
اذا تسكت صفنتك ترسم اعله الناس
وملحة صفنتك طبع السماويه
بس اخيال تمشي وبيك اشوف الوان
يمرگص القوافي بليلي چوبيه
يلتارس هدمهه بعنبر المشخاب
وبنبگ الفرات تخضهه يوميه
بس طاف الزغار وترس وجه الماي
وغط ابكشخته الشبوط جاريه
غط كلمن ثجيل وطفح كل زغير
وكلمن شاف گدره وعرف تاليه
حگهه السمچه تعطش وبحلاة الماي
من تشوف كلمن ذبله سليه
اذا الخطاف لولح روحه بالمگلوب
حگه ايگول شو ما هيه رجليه
بس مامش اعيون اتلم صور وتشوف
الا بگد نظرهه ويمكن اشويه
،،،
لاتزعل
اخاف عليك واكثر ما اخاف عليك من عندك
اخاف اتصد على امرايه ويطش زيبگهه وتحسدك
اخاف عليك تزعل وانت هودج نار
والدمعه التطيح اتهدني وتهدك
اخاف عليك تجفل وانت مهر اكحيل
تهذب ريح تهذب والهوى يصدك
والتكي اعله شفتك بس تمصه يموع
اخاف تعظ عليه ويطفر بخدك
.........
يسكر بيك طولك ياغصن سكران
حته الخمره تسكر لورجف قدك
ياكاروك روحي شما يهزني الشوك
وابتوت الدليل اتهزهز ابمهدك
انا اباخر نفس واتنفسك مجمور
وانفخ بيك روحي وان*** ضدك
يلم بيه العطش واترجه حسوة ماي
من حلگك تبزهه وارتوي بشهدك
اعرفك تستحي ويخجل حياءك بيك
.
بس تعرگ يبز ماي الورد جلدك
............................
يالون الفجر والبرد رعشة ماي
.
يصفن بيك روجه ويخدر ابحدك
حته الگاع تشتم جدمك من اتجيس
تميل اوياك وين اتميل وتسندك
اكفر وين اجيسك يچوي كل البيك
حته النار جمدت من جمدبردك
حبيبي انغر بعد واتمايز اعله الناس
ياشجرة كرنفل والغصن زندك
امشي اعله الرموش وادبي فوك العين
ياهدبه اعله جفني منسهر ايوسدك
چا حكه الورد يتغشه لو مريت
يارب الورد من تگعد يعبدك
يتمضمض بوجهك لو صحى من النوم
خمس اوكات يركع من يطش وردك
بالدنيه العجايب عدنه سبعه ابهاي
وكل وحده التشوفك صدگ تحسدك
كل اصبع طعم لو لوزه لو مصقول
اذا تغرف الماي يشكر ابقندك
لان مصبوب جام وكلشي بيك انشاف
من بطنك نشوف شماوره ابسدك
بيك الماي يغسل موش تغسل بي
يانجمه وتعرت والضوه يردك
يلخدك استيل ويضحك اويه النار
وتبچي النار بيك وتلتهب عندك
ضد الثلج جمرك وانت ثلج الموت
اشلون تصير ضدك حازب بضدك