الأربعاء، 23 نوفمبر، 2011

الحنة

الحنة

ودعته ونست جفها بحضن جفه
ونزلت الدمعة كناطر
ونذبح صوت الحجي برجفة الشفة
واخذ من عدها متاعه
دموع عين
وباسته بطيات زلفة
يبني هذا الوطن كعبة
ونور للتيه طريقه
وانه ضميتك تره لساعة الكلفة
وراح متعني لوحدته
ونزلت نجوم السمه تصلي اعله جتفه
بَوس تراب الوطن واخذته الرجفة
(( علي ))
علي ويحلالك تكلفه
وقبل لايرجع يجيب لاهله روح النصر زفة
ضلت الحنة اعله باله
مراد من الفاو بيها يحني ولفه
وجانت بارض الحرام
الشجرة حيل بعيدة عنه
ورغم هذا راح للشجرة وتعنه
ورجع يضحك كله يضحك
مبتشر فرحان سنه
وبجو ربعة بحركة الفاكد حبيبة
وبالضلع خضرت ونه
ثاري ينزف كله ينزف
طاح وصواباته كلفة
ووصلو لامه شهيد
وجان طين الفاو غافي بحلك نزفه
ولفلفو بكليل عرسه
وعينه رفت الف رفه
ومدري شنهي الجان بيده
حاولو مسدود جفه
ساعة لن دمعة اعله جفة تطشرت
وتمددت محبوبته ونمامت بصفه
نفتحت ايده وطاحت الحنة اويه ايده
نعجنت بماعون جفه
ونزلت طيور المحلة
الي ذبحها الشوك سكته
صلن بقبلة عيونه وبجن لهفة
وخلته امه بحضنها
ومسحت الدم والتراب
الكحل عيونه وتخفه
ابني اعرفنه بطل ساعة الكلفة
من الف هنيال كاع الفاو
يوم تحنت بشريان نزفه
وغمضت عينه وبجت وبليه عرفه
وباسته بشواربة بوسات ترفه
فدوة لشاربك اعداك يرحون
ياسباح كلبي ونور العيون
شلي بعمري خلافك يمزيون
يحرسك علي يوليدي يمدلول
دللول
دللول الولد يبني دللول
عدوك عليل وناحر الجول

سعدون التميمي
البصرة
19/11/1998

ليست هناك تعليقات:

إرسال تعليق